Trepça është nikoqire e Bashkimit në finalen e gjashtë të play-offit në elitën e basketbollit kosovar.

Ndeshja fillon nga ora 19:00 dhe luhet në palestrën “Minatori”, në Mitrovicë, ku si çdo herë tjetër edhe sonte pritet të jetë e stërmbushur, shkruan Arbresh.info.

Klubi mitrovicas ka bërë të ditur se biletat për këtë sfidë dalin në shitje sot nga ora 12:00.

Mirëpo interesimi i shumtë i qytetarëve për t’u pajisur me një biletë për këtë sfidë është i madh, dhe shumë njerëz tashmë kanë zbarkuar tek “Fan Shopi” zyrtar i Trepçës.

Në një video që ka siguruar Arbresh.info, shihet një numër i madh i njerëzve që janë mbledhur para “Fan Shopit”, rreth dy orë para se të nis shitja e biletave.

Kujtojmë se nëse Trepça arrin të fitojë sonte shpallet kampion i Kosovës për të dytin vit me radhë./Arbresh.info